مسلم ممالک کا فلسطینی قیادت کو غزہ کا نظم و نسق سونپنے پر اتفاق

استنبول: مسلم ملکوں کا فلسطینی قیادت کو غزہ کا نظم و نسق سونپنے پر اتفاق ہوگیا۔ترکیہ کی میزبانی میں استنبول میں مسلم ملکوں کی اہم بیٹھک ہوئی، پاکستان، سعودی عرب، قطر، امارات، انڈونیشیا، اردن اور مصر کے وزرا ئے خارجہ نے شرکت کی، اسرائیلی جنگ بندی کی خلاف ورزیوں کی شدید مذمت کی گئی۔
اجلاس کے جاری کردہ مشترکہ اعلامیہ میں اسرائیل سے فوری اور مکمل جنگ بندی کی پاسداری کا مطالبہ کیا گیا، انسانی امداد کی راہ میں حائل رکاوٹیں ختم کرنے پر بھی اتفاق ہوا۔ترک وزیر خارجہ حقان فیدان نے نیوز کانفرنس میں کہا کہ اسرائیل سیز فائر معاہدے کی خلاف ورزی کررہا ہے، اسرائیلی حملے فوری بند ہونے چاہئیں، غزہ جنگ بندی پر مکمل عملدرآمد یقینی بنانا ہوگا۔