مختلف شہروں میں کراچی جانیوالی ٹرینوں کے اوقات کار میں تبدیلی

اسموگ کے باعث مختلف شہروں سے کراچی جانے والی ٹرینوں کے اوقات کار میں تبدیلی کردی گئی۔ذرائع کے مطابق قراقرم ایکسپریس کراچی کیلئے سہ پہر 3 بجے کی بجائے 5 بجکر 45 منٹ پر لاہور سے روانہ ہوگی۔اسموگ کے باعث بزنس ایکسپریس کراچی کیلئے سہ پہر 4 بجکر 30 منٹ کی بجائے رات 8 بجکر 30 منٹ پر لاہور سے روانہ ہوگی۔ذرائع کے مطابق کراچی ایکسپریس کراچی کیلئے شام 6 بجے کی بجائے 6 بجکر 45 منٹ پر لاہور سے، پاکستان ایکسپریس کراچی کیلئے دوپہر 1 بجکر 30 منٹ کی بجائے سہ پہر 3 بجے فیصل آباد سے جبکہ ملت ایکسپریس کراچی کیلئے شام 5 بجکر 50 منٹ کی بجائے 6 بجکر 35 منٹ پر فیصل آباد سے روانہ ہوگی۔علاوہ ازیں جعفر ایکسپریس آج کوئٹہ اور پشاور سے روانہ نہیں ہوگی۔مسافروں کو ہدایت جاری کرتے ہوئے کہا گیا کہ حضرات اپنا ریفنڈ بزریعہ آن لائن یا قریبی ریزرویشن آفس سے لے سکتے ہیں۔