لاہور ہائیکورٹ کا سکولوں کی رجسٹریشن ایک ماہ بعد دوبارہ کرانے کا حکم

لاہور:لاہور ہائیکورٹ نے تمام سکولوں کی رجسٹریشن ایک ماہ بعد دوبارہ کرانے کا حکم دیدیا۔ ہائیکورٹ کے جسٹس شاہد کریم نے سموگ تدارک کیس کی سماعت کی۔
سماعت کے دوران سماعت جسٹس شاہد کریم نے ریمارکس دیئے کہ سکول بسوں کا معاملہ بہت اہم ہے اس کو سیریس لیں، پرائیویٹ سکول مالکان بہت پیسہ کما رہے ہیں لیکن کوئی عمل نہیں کر رہے، ہم نے اگلے سیزن سے پہلے سکول ڈیپارٹمنٹ سے یہ عمل کرانا ہے، ایس او پیز کو کیا کرنا ہے کوئی مستقل حل دیں
سڑکوں کا سروے کرانے کی ضرورت ہے، ٹریفک کا بہت برا حال ہے، ایچیسن کس کے دائرہ اختیار میں آتا ہے ان کو بسوں کا کہیں، کسی سکول کی ایک سال بعد رینوول ہے کسی کی دو سال بعد، یہ درست نہیں ہے، جو سکول بسوں کی پالیسی پر عمل نہیں کرتے ان کی رجسٹریشن معطل کی جائے۔سیکرٹری سکول ایجوکیشن نے دلائل دیتے ہوئے کہا ہماری طرف سے پالیسی جانی ہوتی ہے اس پر عملدرآمد ڈی ای او نے کرانا ہوتا ہے، یہ ہائر ایجوکیشن کے دائرہ اختیار میں ہے۔