لاہور:سی ٹی او لاہور نے ون وے ٹریفک کی خلاف ورزی کرنے والے کے خلاف چالان کے ساتھ ساتھ مقدمے کے اندراج کا حکم دے دیا۔فیصلے پر اطلاق جمعے سے ہوگا۔ ہمارے نمائندے کے مطابق سی ٹی او لاہور ڈاکٹر اسد ملہی نے لبرٹی چوک میں میڈیا نمائندوں سے گفتگو کرتے ہوئے کہا کہ رواں سال02لاکھ25ہزار سے زائد ون وے ٹریفک کی خلاف ورزی پر چالان کئے اور چالان کے باوجود شہریوں کی بڑی تعداد ون وے ٹریفک کی خلاف ورزی کرنے سے باز نہیں آرہی جو روز بروز ٹریفک حادثات میں اضافے کا باعث بن رہی ہے۔ان کا کہنا تھا کہ شہر لاہور کو حادثات سے مکمل محفوظ بنایا جائے کسی بے گناہ کا خون سڑکوں پر نہیں بہنے دیں گیں۔ڈاکٹر اسد ملہی نے کہا کہ مقدمات سیکشن279تعزیرات پاکستان کے تحت درج ہونگے ون وے کی خلاف ورزی کرنے والے اپنی اور دوسروں کی زندگیوں کو خطرے میں ڈالتے ہیں اور ون وے ٹریفک کی خلاف ورزی پر ٹریفک میں خلل کا بھی باعث بنتی ہے،ون وے ٹریفک کی خلاف ورزی پر02ہزار روپے کا چالان کیا جارہا ہے۔
