فیصلے پر کارکن مشتعل نہ ہو ں ، قانون ہاتھ میں نہ لیں ، بیرسٹر گوہر

پی ٹی آئی رہنما بیرسٹر گوہر کا کہنا ہے کہ سائفر کیس کے فیصلے پر کارکن ناراض نہ ہوں، قانون کو ہاتھ میں نہ لیں۔یہ بات پی ٹی آئی رہنما بیرسٹر گوہر نے اسلام آباد ہائی کورٹ میں صحافیوں سے گفتگو کرتے ہوئے کہی۔ان کا کہنا ہے کہ مقدمات آئین اور قانونی طریقہ کار سے ہٹ کر چلائے جا رہے ہیں۔بیرسٹر گوہر نے مزید کہا کہ تمام کارکنان اور پی ٹی آئی کے وفادار صبر کا مظاہرہ کریں، ہمیں سپریم کورٹ اور ہائی کورٹ پر اعتماد ہے۔پی ٹی آئی رہنما نے یہ بھی کہا کہ ہماری توجہ الیکشن سے ہٹانے کی کوشش کر رہے ہیں، 8 فروری کو سب کا احتساب ہو گا۔