فضائی سفر میں گمشدہ ہونے والاسوٹ کیس چار سال بعد مل گیا

اوریگن:امریکی خاتون نے ہوائی سفر کے دوران اپنا سوٹ کیس کھو دیا تھا جوکئی برس تک نہیں مل سکا تھا،لیکن اب چار برس بعد انہیں وہ دوبارہ مل گیا ہے۔اپریل گے ون نے ٹک ٹاک ویڈیو میں بتایا کہ وہ اگست2018میں شکاگو سے اوریگن آرہی تھیں کہ ایئر پورٹ کی لگیج پٹی پر ان کا سوٹ کیس لاکھ تلاش کے باوجود نہیں ملا خود فضائی کمپنی کمی انتظامیہ سرتوڑ کوشش کی تاہم سوٹ کیس تک نہ پہنچ سکی۔اپریل نے بتایا کہ ایئر لائن نے اس کے ازالہ کیلئے رقم دی تھی لیکن وہ ازالے کے لئے ناکافی تھی تاہم اس ہفتے انہیں ایک فون کال موصول ہوئی اور بتایا کہ ان کا سویٹ کیس ہیوسٹن ایئر پورٹ پر موجود ہے۔دلچسپ بات یہ ہے کہ سوٹ کیس لاطینی امریکہ کے ملک ہنڈورس پہنچ گیا تھا۔