فردوس عاشق اعوان نے بھی پی ٹی آئی سے راہیں جدا کرلیں

اسلام آباد : پی ٹی آئی کی رہنما فردوس عاشق اعوان نے بھی پارٹی چھوڑ نے کا اعلان کردیا اسلام آباد میں پریس کانفرنس کرتے ہوئے فردوس عاشق اعوان نے کہا ہے کہ میں شرپسندوں کی کارروائیوں کی وجہ سے پی ٹی آئی چھوڑ رہی ہوں ۔انہوں نے کہا کہ عمران خان کا ایجنڈا پاکستان کیلئے زہر قاتل بن گیا ہے وہ لوگوں کو ٹشو پیپر کی طرح استعمال کرتے ہیں اور پھر پھینک دیتے ہیں یہ ان کا پسندیدہ مشغلہ ہے ، وہ سب سے پہلے اپنے محسنوں کے ہی دشمن بن جاتے ہیں ۔فردوس عاشق کا کہنا تھا کہ 9 مئی کے واقعات کی آزادانہ تحقیقات کرکے ذمہ داروں کو سزا دی جائے ۔فردوس عاشق اعوان نے کہا کہ دہشتگرد کارروائیوں کی وجہ سے پی ٹی آئی کا حصہ نہیں رہنا چاہتی بائیس سال سے سیاسی سفر میں ایسا ماحول اور منظر نہیں دیکھا ،ملوث افراد کو عبرتناک سزادی جائے واقعات کی آزادنہ انکوائری کی جائے