عوام کی امنگوں کے مطابق دہشتگردی کی لعنت کو ختم کیا جائے،کور کمانڈر کانفرنس

راولپنڈی:کور کمانڈر کانفرنس میں پاکستانی عوام کی امنگوں کے مطابق دہشتگردوں کے خلاف بلا تفریق کارروائی اور اس لعنت کو ختم کرنے کا عزم ظاہر کردیا۔پاک فوج کے شعبہ تعلقات عامہ آئی ایس پی آرکے مطابق پاک فوج کی254ویں کور کمانڈر کانفرنس27سے28دسمبر تک جنرل ہیڈ کوارٹر راولپنڈی میں منعقد ہوئی جس کی صدارت چیف آف آرمی سٹاف جنرل سید عاصم منیر نے کی۔کانفرنس کے دوران فوج کی پیشہ ورانہ اور تنظیمی امور کا جامع جائزہ لیا گیا جب کہ کانفرنس کے دوران کور کمانڈر کی جانب سے پاکستانی عوام کی امنگوں کے مطابق دہشتگردوں کیخلاف بلا تفریق لڑنے اوراس لعنت کو ختم کرنے کا عزم کیا گیا۔