عمران خان اور بشریٰ بی بی کے خلاف توشہ خانہ 2 ریفرنس کی سماعت شروع

راولپنڈی: پی ٹی آئی کے بانی عمران خان اور ان کی اہلیہ بشریٰ بی بی کے خلاف توشہ خانہ 2 ریفرنس کی سماعت ایف آئی اے قوانین کے تحت شروع ہوگئی۔
اسپیشل جج سینٹرل شاہ رخ ارجمند نے آج اڈیالہ جیل میں عمران خان اور بشریٰ بی بی کے خلاف توشہ خانہ ٹو کیس کی سماعت کی۔ ایف آئی اے کے اسپیشل پراسیکیوٹر ذوالفقار نقوی، نیب پراسیکیوٹر عمیر مجید جبکہ ملزمان کی جانب سے ایڈووکیٹ سلمان صفدر عدالت میں پیش ہوئے۔ سماعت کے دوران ایف آئی اے پراسیکیوٹر نے کہا کہ یہ پہلا کیس ہے جو نیب ترامیم کے بعد ایف آئی اے کو منتقل کیا گیا، کیس کی ایف آئی اے رولز کے تحت جانچ ہونی چاہیے۔ بعد ازاں عدالت نے تفتیشی افسر کو آئندہ سماعت پر تحقیقاتی رپورٹ پیش کرنے کی ہدایت کرتے ہوئے کیس کی سماعت 23 ستمبر تک ملتوی کردی۔ عدالت نے ملزمان کی درخواست ضمانت پر بھی سماعت کی۔ مستقبل کی تاریخ تک ملتوی کر دیا گیا۔