سیکرٹری الیکشن کمیشن عمر حمید مستعفی ہو گئے

وفاقی سیکرٹری الیکشن کمیشن عمر حمید خان نے عام انتخابات سے قبل اپنے عہدے سے استعفیٰ دے دیا۔ذرائع کے مطابق عمر حمید نے خرابی صحت کے باعث اپنے عہدے سے استعفیٰ دیا ہے۔ذرائع کا کہنا ہے کہ چیف الیکشن کمشنر نے تاحال سیکرٹری الیکشن کمیشن کا استعفیٰ منظور نہیں کیا۔واضح رہے کہ ملک بھر میں انتخابات 8 فروری کو ہوں گے، عام انتخابات کے لیے امیدواروں کی جانب سے کاغذات نامزدگی جمع کرائے گئے ہیں۔مختلف سیاسی جماعتوں کی جانب سے بھی اپنے امیدواروں کو پارٹی ٹکٹ جاری کرنے کا سلسلہ جاری ہے۔