سٹاک ایکسچینج میں کاروبار کے دوران شدید مندی

کراچی:پاکستان سٹاک ایکسچینج میں کاروبار کے دوران شدید مندی دیکھنے میں آئی ہے۔کاروباری ہفتے کے دوسرے روز سٹاک مارکیٹ میں کاروبار کا منفی زون میں آغاز ہوا تاہم تھوڑی دیر مثبت میں تبدیل ہوگیا، اس کے بعد ایک بار پھر انڈیکس میں شدید مندی کا رجحان برقرار رہا۔
پاکستان سٹاک ایکسچینج میں 700 سے زائد پوائنٹس کی کمی کے ساتھ انڈیکس ایک لاکھ 13 ہزار 610 پوائنٹس کی سطح پر آ گیا۔واضح رہے کہ گزشتہ روز کاروباری دن کے اختتام پر 42 پوائنٹس کی کمی کے ساتھ سٹاک مارکیٹ میں انڈیکس ایک لاکھ 14 ہزار 356 پوائنٹس پر بند ہوا تھا۔
دوسری جانب انٹر بینک میں امریکی کرنسی گراوٹ کا شکار ہے، انٹر بینک میں ڈالر مزید 7 پیسے سستا ہو کر 280 روپے پر آگیا ہے۔