ریاست کو ہتھیار اُٹھانیوالوں سے الگ طریقے سے ڈیل کرنا چاہیے ، نگران وزیراعظم کا عدالت میں پیش ہوکر بیان

لاپتہ بلوچ طلباءکے کیس میں طلب کیے جانے پر عزت مآب وزیراعظم انوارالحق کاکڑ اسلام آباد ہائی کورٹ میں پیش ہوئے۔اسلام آباد ہائی کورٹ نے نگراں وزیراعظم انوارالحق کاکڑ کو طلب کرلیا اور اسلام آباد ہائی کورٹ کے جسٹس محسن اختر کیانی بلوچ لاپتہ طلباءکی بازیابی سے متعلق کیس کی سماعت کررہے ہیں۔اٹارنی جنرل منصور عثمان اعوان روسٹرم پر آئے اور عدالت کو بتایا کہ وزیراعظم انوارالحق کاکڑ عدالت میں موجود ہیں۔منصور عثمان اعوان کا کہنا تھا کہ لاپتہ بلوچ طلباءکی بازیابی کے لیے کوششیں جاری ہیں، مزید 11 لاپتہ بلوچ طلباءبازیاب ہوئے، 9 افراد سی ٹی ڈی کی تحویل میں ہیں، 4 کا تاحال پتہ نہیں چل سکا۔اٹارنی جنرل منصور عثمان اعوان نے کہا کہ دو افراد افغانستان میں ہیں، جس پر جسٹس محسن اختر کیانی نے کہا کہ قانونی عمل پر عمل کرنے والے اس عدالت کا مینڈیٹ چھوڑ چکے ہیں، اگر ان کے خلاف مقدمات ہیں تو متعلقہ عدالتوں کو دیکھیں گے۔جسٹس محسن کیانی نے کہا کہ ہم نے 2 سال میں کئی سماعتیں کیں، بلوچ طلبائ کو اٹھایا، کچھ لوگ دہشت گرد ہیں، کچھ ٹی ٹی پی میں شامل ہوئے، کچھ لوگ گھروں کو پہنچ گئے، ریاستی اداروں کو بھی کام کرنا ہے اور انہیں کرنا ہے۔ احتساب بھی کریں۔