دھند سے آج بھی 30 پروازیں منسوخ

دھند کے باعث پروازوں کا شیڈول مسلسل متاثر ہے، آج بھی 30 پروازیں منسوخ کردی گئی ہیں جب کہ حد نگاہ کم ہونے کے باعث 4 غیر ملکی پروازوں کو متبادل ایئرپورٹس کی جانب موڑ دیا گیا ہے۔پی کے 182 شارجہ سے اسلام آباد، ای آر 852 لاہور سے جدہ سے پشاور، جبکہ کویت سٹی اور شارجہ سے سیالکوٹ جانے والی پرواز پی کے 240 اور 210 کو لاہور کی طرف موڑ دیا گیا ہے۔فلائٹ شیڈول کے مطابق اسلام آباد سے جدہ جانے والی سعودی ایئرلائن کی ایک پرواز منسوخ کی گئی ہے جبکہ اسلام آباد سے کوئٹہ جانے والی 4 پروازیں پی کے 325، 326، ای آر 540، 541 منسوخ کی گئی ہیں۔پی آئی اے کی اسلام آباد سے گلگت کی پرواز پی کے 601، پی کے 602، اسلام آباد سے ابوظہبی کی پرواز پی کے 262 اور دبئی کی پرواز پی کے 233 منسوخ کردی گئی ہیں۔اسلام آباد سے شارجہ کی پرواز پی کے 181، العین کی پرواز پی کے 143 جبکہ کراچی سے اسلام آباد کی پرواز پی کے 6369 اور پی کے 370 بھی منسوخ کردی گئیں۔پی آئی اے کی لاہور سے کوئٹہ کی پرواز پی کے 322، 323، لاہور سے کراچی پی کے 6313، ای آر 520، 525، کراچی سے کوئٹہ کی پرواز پی کے 310، 311 اور ملتان کی پرواز پی کے 330، 331 منسوخ کردی گئیں۔ملتان سے شارجہ جانے والی پی آئی اے کی دو پروازیں پی کے 293، 294، کراچی سے جدہ جانے والی پرواز ای آر 811 اور پشاور سے ابوظہبی جانے والی پرواز پی کے 217 منسوخ کر دی گئی ہیں۔