خیبر ، سکیورٹی فورسز کا آپریشن ، کمانڈر سمیت 3 دہشتگرد ہلاک

سکیورٹی فورسز نے خیبر کے علاقے تیراہ میں انٹیلی جنس بیسڈ آپریشن کیا ، آپریشن کے نتیجے میں دہشگرد کمانڈر کفایت عرف تو ر عدنان سمیت تین دہشتگرد مارے گئے ۔آئی ایس پی آر کے مطابق آپریشن 25 اور 26 ستمبر کی درمیانی شب دہشتگردوں کی موجودگی کی اطلاع پر کیاگیا۔آپریشن کے دوران سکیورٹی فورسز اور دہشت گردوں کے درمیان شدید فائرنگ کا تبادلہ ہوا۔پاک فوج کے شعبہ تعلقات عامہ کا کہنا ہے کہ بلاک دہشتگرد قانون نافذ کرنیوالے اداروں کیخلاف دہشتگردی کی کارروائیوں میں سرگرم تھے ۔آئی ایس پی آر کا کہنا ہے کہ ہلاک دہشتگرد معصوم شہریوں کے قتل میںبھی ملوث تھے ۔پاک فوج کے شعبہ تعلقات عامہ کا یہ بھی کہنا ہے کہ پاکستان کی سکیورٹی فورسز دہشتگردی کے خاتمے کیلئے پرعزم ہیں