حکومت عالیہ صدیقی کی رہائی کیلئے کچھ کرنا نہیں چاہتی،اسلام آباد ہائیکورٹ

اسلام آباد:ہائیکورٹ نے رائے کااظہار کیا ہے کہ حکومت عالیہ صدیقی کی رہائی کیلئے کچھ کرنا نہیں چاہتی۔ہائیکورٹ میں ڈاکٹر عافیہ صدیقی کی امریکہ سے رہائی کیلئے دائر درخواست پر سماعت ہوئی۔درخواست گزار فوزیہ صدیقی نے اپنے وکیل کے ہمراہ عدالت کے سامنے پیش ہوئیں۔ایڈیشنل اٹارنی جنرل منور اقبال دوگل نے بتایا کہ عدالتی حکم کے مطابق قائمقام امریکی سفیر سے ہمارے آفیشلز کی ملاقات ہوئی ہے عافیہ صدیقی کی رہائی کا معاملہ سفارتی سطح پراٹھایا گیا ہے وہ ہماری شہری ہیں جو مدد حکومت کرسکتی ہے کرے گی۔جسٹس سردار اعجاز اسحق خان نے کہا کہ کافی اور کیک کی میٹنگ ہوئی؟مطلب نا سیکرٹری خارجہ نا وزیر خارجہ عدالتی حکم سے متعلق آگاہ کیا ہے،کوئی آئیڈیا نہیں اس معاملات میں کیا ہوا ہے؟ساتویں آٹھویں سماعت ہے حکومت اس حوالے سے کچھ کرنا نہیں چاہتی۔