حارث رف انجری کا شکار، میجر لیگ کرکٹ سے باہر

لاہور:پاکستانی فاسٹ بالر حارث رف انجری کے باعث امریکا کی میجر لیگ کرکٹ سے باہر ہو گئے ہیں۔امریکا کی میجر لیگ کرکٹ میں ٹیم سان فرانسسکو یونیکارنز نے تصدیق کی ہے کہ فاسٹ بالر حارث رف ہیمسٹرنگ انجری کا شکار ہوئے ہیں، حارث رف انجری کی وجہ سے میجر لیگ کرکٹ کے بقیہ میچز نہیں کھیل سکیں گے۔
حارث رف کی جگہ نیوزی لینڈ کے بین لسٹر کو فوری طور پر متبادل کے طور پر ٹیم میں شامل کر لیا گیا ہے۔حارث رف میجر لیگ کرکٹ 2025 میں سان فرانسسکو یونیکارنز کی نمائندگی کرتے ہوئے سب زیادہ وکٹیں لینے والے بولر ہیں، انہوں نے 8 میچز میں 17 وکٹیں لی ہیں۔
انجری کے باعث حارث رف کی رواں ماہ بنگلادیش کے خلاف سیریز میں شرکت بھی خطرے میں پڑ گئی ہے۔فاسٹ بالر حارث رف کی فوری طور پر پاکستان کرکٹ ٹیم میں بھی شمولیت کے امکانات نہیں ہیں، وہ کم از کم بنگلا دیش کے خلاف سیریز سے باہر ہو گئے ہیں، البتہ اس حوالے سے پی سی بی کی جانب سے اب تک کوئی اعلان نہیں کیا گیا۔