جائیداد کی لالچ ، ماں نے سوتیلے بیٹے کو مار ڈالا

لودھراں میں سوتیلی ماں نے دوبیٹوں کو جائیداد کا وارث بنانے کیلئے دس سالہ سوتیلے بیٹے کو بیدردی سے مار ڈالا ڈی ایس پی صدر سرکل کے مطابق چک نمبر 97 ایم کی رہائشی زینت بی بی اپنے دس سالہ بیٹے کو ڈسٹرکٹ ہیڈاکوٹر ہسپتال علاج کیلئے لائی اور بتایا کہ اسے کرنٹ لگا ہے لیکن ڈاکٹروں کو معاملہ مشکوک لگا اور انہوں نے پولیس کو اطلاع دیدی ۔مزلمہ کو حراست میں لیکر تفتیش کی تو اس نے ابتدائی تفتیش میں ہی تسلیم کرلیا کہ اس نے سوتیلے بیٹے کو آلو کی چپس میں زہر ملا کر کھلایا جس سے وہ بے ہوش ہوگیا ، اس کی سانسیں چلتی دیکھ کرملزم نے بچے کی انگلیوں پر بجلی کی تاروں سے کرنٹ لگا یا جب کرنٹ لگانے سے بھی بچہ فوت نہ ہوا تو ملزمہ نے اسے گردن میںپھندا لگا کر مارڈالا ملزمہ نے بیٹے کے قتل کو حادثے کا رنگ دینے کیلئے علاج کیلئے ہسپتال لے گئی ڈی ایس پی کے مطابق ملزمہ چاہتی تھی کہ وہ سوتیلے بیٹے کو قتل کرکے راستے سے ہٹا دیگی اور اس کی دو بیٹے باپ کی پوری جائیداد کے وارث بن جائیں گے ۔