توشہ خانہ کیس جان بوجھ کر لٹکا یاجارہاہے ، نعیم پنجوتھا

پی ٹی آئی کے چیئرمین کے ترجمان قانونی امور نعیم پنجوتھا نے کہا ہے کہ توشہ خانہ کیس جان بوجھ کر لٹکا یا جارہاہے فوراً فیصلہ دینا چاہیے ۔ایک بیان میں نعیم پنجوتھا نے کہا کہ توشہ خانہ کیس میں قانون و انصاف کا قتل کیاجارہاہے ، آئین معطل ہوچکا ہے ۔نعیم پنجوتھا کا کہنا ہے کہ توشہ خانہ کیس میں سزا معطلی کی درخواست پر سکیشن 426 میں نوٹس جاری کرنے کا ذکر ہی نہیں ، اسلام آباد ہائیکورٹ نے پھر کیوں نوٹس جاری کیا؟انہوں نے کہا کہ نوٹس ہو بھی گیا تو ریکارڈ طلبی کیلئے دوبارہ طویل نوٹس کیوں جاری کیا؟ان کا کہنا ہے کہ ہائیکورٹ نے سماعت مقرر ہونے کے باوجود کیوں 2 دن کا مزید ٹائم دیا ؟