بیرون ملک 40 نئے ٹریڈ افسران کی تعیناتی کی تیاری

نگراں حکومت نے بیرون ملک 40 نئے ٹریڈ افسران کی تعیناتی کا عمل مکمل کرنے کی تیاری کرلی ۔ٹریڈ افسران کی تعیناتی کیلئے انٹر ویوز کا شیڈول طے پا گیا ، یہ انٹرویو گیارہ ستمبر سے پندرہ ستمبر کو ہوں گے نگراں وزیر تجارت کی سربراہی میں بورڈ امید واروں کے انترویوز کریگا۔نگراں وزیراعظم انوارالحق کاکڑ نے بیرون ملک ٹریڈ افسران کی تعیناتی کیلئے انٹر ویو بورڈ تشکیل دیا ہے ۔بورڈ میں سیکریٹر ی تجارت ، سیکریٹری خارجہ ، سیکریٹری اسٹیبلشمنٹ ڈویژن ، سیکریٹری سرمایہ کاری بورڈ ، سی ای ٹی ڈیپ اور نجی شعبے سے ایک ماہر شامل ہیں ۔