بھارت بجلی کا بحران، لوگ پیسے دیکر موبائل چارج کروانے پرمجبور

بھارت میں بجلی کی بندش کے باعث دیہاتوں میں رہنے والوں کو سخت پریشانی کا سامنا ہے اور وہ اپنے موبائل فون اور واٹر پمپنگ چارج کروانے کیلئے رقم دینے پر مجبور ہیں۔بھارتی میڈیا رپورٹس کے مطابق شمالی ریاست اتر پردیش کے شہر گورکھ پور میں بجلی منقطع ہونے کا سلسلہ کافی دراز ہوگیا ہے اور ضلع کے قریبی دیہاتوں میں نجی طورپر کام کرنیوالے ان دیہاتیوں سے موبائل فون بیٹری چارج کرنے کے دس روپے اور پانی کے پمپنگ کرنیوالے پورٹیبل جنر یٹرز کی چارجنگ کے پچاس روپے لیتے ہیں۔بیلو نامی ایک دیہات میں ہفتے کی شام لوگ اس کام کیلئے لائن میں لگے اپنی باری کا انتظا ر کرتے نظر آئے تاکہ اپنی موبائل بیٹریز اور واٹر پمپس کو چارج کرواسکیں لائن میں لگے دھر میندرا گیتا اور پراشنات شکلا کا کہنا تھا کہ ان کے گاؤں میں جمعہ کے درمیانی شب سے بجلی کی سپلائی منقطع ہے جس کی وجہ سے لوگ دکاندار پر چارجنگ کیلئے پہنچے ہیں۔