بھارتی کرکٹر شامی کے سجدہ کرنے سے گریز کرنیکی ویڈیو پر صارفین نے کیا کہا؟

بھارتی ٹیم کے فاسٹ بولر محمد شامی نے شاندار بولنگ کرتے ہوئے پانچ وکٹیں لیں اور پانچویں وکٹ لینے پر بولر نے سجدہ کرنے کوشش کی لیکن انہوں نے سجدہ کرنے سے گریز کیا جس کی ویڈیو سوشل میڈیا پر وائرل ہوگئی ۔گذشتہ روز ممبئی کے واکھنڈے اسٹیڈیم میں کھیلے گئے ورلڈ کپ کے 33 ویں میچ میں بھارت نے سری لنکا کو یکطرفہ مقابلے میں 302 رنز کے بڑے مارجن سے شکست دیکر سیمی فائنل کیلئے کوالیفائی کرلیا ہے اس جیت میں شامی کی پانچ وکٹوں نے اہم کردار ادا کیاہے ۔شامی نے پانچویں وکٹ لینے پرخوشی کا اظہار کرتے ہوئے پہلے آسمان کی طرف دیکھا کر شکرادا کیا اور پھر بیٹھ کر سجدہ کرنے کی کوشش کی لیکن وہ اس دوران سجدہ نہ کرسکے اور سجدہ کرنے سے گریز کیا جس کی ویڈیو سوشل میڈیا پر وائرل ہوئی تو صارفین نے اس پر اپنے اپنے خیالات کا اظہار کیا۔