بانی پی ٹی آئی کو جیل میں بی کلاس کی تمام سہولیات میسر ہیں،جیل حکام

راولپنڈی (مانیٹرنگ ڈیسک)دفترسپرنڈنٹ اڈیالہ جیل کی جانب سے ایک وضاحتی بیان جاری کیا گیا ہے جس میں کہا کیا ہے کہ بانی پی ٹی آئی کو جیل ہذا میں قانون و قاعدہ کے مطابق بی کلاس کی تمام سہولیات میسر ہیں جس میں ان کی خوراک ، صحت ، مطالعہ کتب و اخبارات سمیت ورزش اور واک شامل ہیں۔ واضح رہے کہ بانی پی ٹی آئی کو بی کلاس کی تمام سہولت میسر ہے، تاہم ان کو سات سیلز پر مشتمل کمپلیکس میں رکھا گیا ہے اور وہاں چہل قدمی کے لئے کھلا سمن بھی موجود ہے۔ پانی پی ٹی آئی کے پاس ایکسر سائز کے لئے سائیکل ،LED، اخبارات اور ذاتی انتخاب کے مطابق کتب کی سہولت بھی میسر ہیں۔ مذکورہ سہولیات دیگر بی کلاس کے اسیران کو میسر نہیں ۔ مزید برآں بانی پی ٹی آئی کو اپنا کھانا تیار کروانے کے لئے باقاعدہ ایک قیدی لک فراہم کیا گیا ہے جو کہ ان کا ناشتہ، دو پہر اور شام کا کھانا ان کی اپنی خواہش کے مطابق پر تیار کرتا
ہے۔واضح رہے کہ بانی پی ٹی آئی جب سے جیل میں میں انہوں نے 413 مرتبہ ٹویٹر سے ٹویٹ کر وایا ہے۔ جس سے انہوں نے اپنے پارٹی ورکرز کو اہم ملکی سیاسی سرگرمیوں کے بارے میں ہدایات جاری کی ہیں جیسا کہ عام انتخابات 2024 نضمنی انتخابات سمیر یال، پی ٹی آئی کا 26 نومبر 2024 کا احتجاج ، حکومت کے ساتھ مذاکرات یا 26 آئینی ترمیم کے بارے میں پارٹی کا لائحہ عمل شامل ہیں۔ گزشتہ 12 ماہ سے بھی کم عرصہ میں یعنی اگست 2024 سے اب تک بانی پی ٹی آئی کے بیانات 145اہم مواقعوں پر سرخیاں بن چکے ہیں۔ مزید یہ کہ 2024 سے تا حال 10 بین الاقوامی میڈیا چینلوں کے ساتھ بھی باہمی تعامل کر چکے ہیں۔ جن میں The Telegraph Reuters،ITV ،WSJ News Fox News اور دیگر ز بین الاقوامی چینلز شامل ہیں۔ اور روزانہ کی بنیاد پر اندرون جیل ہونے والی مختلف عدالتی سماعتوں کے دوران تمام Main Stream میڈیا چینلز اور اخبارات کے صحافیوں سے براہ راست سارا سارا دن مخاطب رہے ہیں۔ علاوہ ازیں گزشتہ 3 ماہ میں 66 خواتین و حضرات جن میں بانی پی ٹی آئی کی پارٹی کے سیاسی لیڈ ر فیملی ممبرز اور وکلانے ملاقاتیں کی ہیں جیل ہذا میں متعین ڈاکٹر ز دن میں تین مرتبہ مذکورہ حوالاتی کا طبی معائنہ کرتے ہیں ان کے تمام وائٹلز چیک کیئے جاتے ہے گزشتہ دو ہفتوں کی چیکنگ کے دوران مذکورہ قیدی کو کسی بھی قسم کی بیماری یا عارضہ رپورٹ نہ ہوا ہے اور وہ مکمل طور پر صحت مند ہیں اور ان کے وانکلز بالکل مقررہ معیار کے مطابق ہیں۔ مزید برآں بانی پی ٹی آئی کو واک اور ایکسر سائز کی کمل سہولیات میسر ہیں اور اپنے احاطہ کے کھلے صحن میں دو گھنٹے ہر روز ایکسر سائز کرتے ہیں اور جیل قواعد وضوابط اور گورنمنٹ کی طرف سے بی کلاس کی جاری کردہ سہولیات میں جیل انتظامیہ ان کی حفاظت ،سکیورٹی اور صحت کے حوالے سے اپنے فرائض منصبی بھر پور انداز میں ادا کر رہی ہے۔ سوشل میڈیا اور سیاسی جماعتوں کی طرف سے بانی پی ٹی آئی کی جانب سے جو خبریں اور افواہیں پھیلائی جارہی ہیں اس میں کسی بھی قسم کی کوئی صداقت نہ ہے۔ اور یہ صرف سنسنی پھیلانے اور ستی شہرت کے حصول کے لئے کیا جا رہا ہے۔ بانی پی ٹی آئی جیل میں مقید کسی بھی اسیر سے زیادہ سہولیات اور مراعات حاصل کر رہے ہیں اور ان کے ساتھ کوئی امتیازی سلوک روا نہیں رکھا جاتا۔