بابر اعظم ریکارڈز کی بارش میں پوری طرح بھیک گئے

کراچی:بابر اعظم ریکارڈ کی بارش میں پوری طرح بھیک گئے،انہوں نے نیوزی لینڈ سے کراچی ٹیسٹ کے پہلے ہی روز کئی اعزازات اپنے نام کرلیے۔نیوزی لینڈ سے کراچی میں شروع ہونے والے پہلے ٹیسٹ کے ابتدائی روز پاکستانی کپتان بابر اعظم نے کئی ریکارڈز توڑ دیئے۔انہوں نے کیلنڈر ایئر میں سب سے زیادہ انٹرنیشنل رنز بنانے کا 16سال پرانا ملکی ریکارڈ محمد یوسف سے چھین لیا۔موجودہ بیٹنگ کوچ2006میں 2435رنز بنا چکے ہیں۔گزشتہ روز جب بابر13کے انفرادی سکور پر پہنچے تو وہ یوسف کو پیچھے چھوڑ چکے تھے۔جب انہوں نے ففٹی مکمل کی تو ایک کیلنڈرایئر میں سب سے زیادہ ففٹی پلس سکور کا ریکارڈ بھی ان کے نام ہوگیا۔یہ باہر کی اس سال 25ویں ففٹی پلس اننگز ہے۔اس طرح انہوں نے رکی پونٹنگ کو پیچھے چھوڑ دیا جنہوں نے 2005میں 24مرتبہ50سے زائد رنز بنائے تھے۔رواں ٹیسٹ میں اگر ان کا بیٹ یونہی چلتا رہا تو وہ ایک کیلنڈر ایئر میں سب یے زیادہ رنز بنانے و الے کئی بڑے ناموں کو پیچھے چھوڑ سکتے ہیں۔اس فہرست میں سب سے اوپر46اننگز میں 2833رنز کے ساتھ رکی پونٹنگ موجود ہیں جنہوں نے2005میں یہ کارنامہ انجام دیا تھا۔