کراچی : اے این ایف نے مختلف شہروں میں 8 کارروائیاں کرتے ہوئے 245.15 کلو منشیات برآمد اور خاتون سمیت 14 ملزمان گرفتار کر لیے۔اینٹی نارکوٹکس فورس کی جانب سے راولپنڈی، حیدرآباد، کراچی، اسلام آباد، حب، کوئٹہ اور ڈی آئی خان میں کارروائیاں کی گئیں۔
ترجمان نے بتایا کہ کارروائیوں کے دوران 190کلو200گرام افیون، 47 کلو150 گرام چرس، 7 کلو کرسٹل ہیروئن، 800 گرام آئس برآمد کی گئی۔ملزمان کے خلاف انسداد منشیات ایکٹ کے تحت مقدمات درج کیے گئے، ملزمان نے تعلیمی اداروں کے طلبا کو منشیات فروخت کرنے کا اعتراف کر لیا۔