اے این ایف کارروائیاں ، منشیات برآمد، 9 ملزمان گرفتار

اسلام آباد :اے این ایف نے 9 کارروائیوں میں 63.151 کلو گرام منشیات برآمد کرلی جبکہ 9 ملزمان گرفتار کرلیے گئے ۔ اے این ایف ترجمان کے مطابق یہ کارروائیاں راولپنڈی، حیدرآباد، اسلام آباد، پشاور، کوئٹہ اورگوادر میں کی گئیں، کارروائی میں 51کلو 900گرام چرس،6 کلو 200گرام آئس برآمد کرلی گئی۔
اے این ایف کارروائی کے دوران 5 کلوگرام ہیروئن،51 گرام ویڈ بھی برآمد کی گئی ، گرفتار ملزمان نے تعلیمی اداروں کے طلبا کو منشیات فروخت کرنے کا بھی اعتراف کیا۔گرفتار ملزمان کے خلاف انسداد منشیات ایکٹ کے تحت مقدمات درج کرلیے گئے۔