ایران خطے میں زیادہ پسند نہیں کیا جاتا، بائیڈن

جو بائیڈن نے کہا ہے کہ پاکستان اور ایران کے ایک دوسرے پر حملے ظاہر کرتے ہیں کہ خطے میں ایران کو پسند نہیں کیا جاتا۔وائٹ ہاوس میں صحافیوں سے بات کرتے ہوئے صدر بائیڈن نے کہا کہ وہ صورتحال کی پیش رفت کو سمجھنے کے لیے کام کر رہے ہیں۔دوسری جانب وائٹ ہاوس کا کہنا ہے کہ امریکا پاکستان اور ایران کے درمیان کشیدگی نہیں بڑھانا چاہتا۔وائٹ ہاو¿س کی قومی سلامتی کے ترجمان جان کربی نے میڈیا سے گفتگو کرتے ہوئے کہا ہے کہ پاکستان اور ایران جھڑپوں کی نگرانی کر رہے ہیں، امریکا کشیدگی میں اضافہ نہیں دیکھنا چاہتا۔جان کربی نے مزید کہا کہ ایران کا حملہ خطے میں ایران کے عدم استحکام کے رویے کا ایک اور ثبوت ہے۔ ہم ایران کو جوہری ہتھیاروں کے ساتھ نہیں دیکھنا چاہتے۔