ایرانی جوہری تنصیبات پر حملے کی تیاری،امریکا اوراسرائیل کی فوجی مشقیں

تل ابیب/واشنگٹن:ایران کے جوہری تنصیبات کو نشانہ بنانے کیلئے اسرائیل اور امریکا نے مشترکہ فوجی مشقوں کا آغاز کردیا۔غیر ملکی خبر رساں ادارے کے مطابق اسرائیل اور امریکہ کے طیاروں نے فلسطین کے صحرائے النقب میں مشترکہ فوجی مشقوں کا اغاز کردیا جس میں 140سے زائد لڑاکا طیارے،ایک درجن بحری جہاز اور میزائل لانچرز حصہ لیں گے۔اخبار ٹائمز آف اسرائیل کی رپورٹس میں انکشاف کیا گیا ہے کہ مشترکہ فوجی مشقوں کے دوران امریکی لڑاکا طیارے صحرائے النقب میں اہداف کو100ٹن دھماکہ خیز مواد سے نشانہ بنائیں گے۔اسرائیلی فوج نے دعویٰ کیا ہے کہ یہ اہداف ایران کے جہری تنصیبات کے ماڈل کی طرز پر بنائے گئے ہیں ا ور ان مشقوں کا مقصد ایران کے جوہری تنصیبات پر بمباری کی مشق کرنا ہے۔