اپارٹمنٹ سے 5 افراد کی لاشیں ملنا نظام کے منہ پر تھپڑہے ، حافظ نعیم الرحمن

جماعت اسلامی کراچی کے امیر حافظ نعیم الرحمان کا کہنا ہے کہ کراچی میں شارع فیصل پر اپارٹمنٹ سے 5 افراد کی لاشیں ملنے کا واقعہ نظام کے منہ پر طمانچہ ہے۔یہ بات جماعت اسلامی کراچی کے امیر حافظ نعیم الرحمن نے پریس کانفرنس کرتے ہوئے کہی۔ان کا کہنا ہے کہ خاص لوگوں کے لیے لیول پلیئنگ فیلڈ بنائی گئی ہے، سب کو ووٹ دے کر شکست دیں۔امیر جماعت اسلامی کراچی حافظ نعیم الرحمان نے مزید کہا ہے کہ کراچی میں جو کچھ ہو رہا ہے اس کے ذمہ دار وہی ہیں۔انہوں نے اس عزم کا بھی اظہار کیا ہے کہ وہ آئندہ انتخابات میں مافیاز کے خلاف کھڑے ہوں گے اور انہیں شکست دیں گے۔