انٹر بینک میں ڈالر مزید 1 روپے سستا

ایک ماہ سے ڈالر کی قدر ک ہونے کے سلسلے تاحال جاری ہے ، آج بھی کاروبار کے آغاز میں ہی انٹر بینک میں ڈالر مزید سستا ہوا ہے ۔انٹر بینک میں ڈالر مزید ایک روپے سستا ہونے کے بعد 282 روپے 62 پیسے کا ہوگیا ۔گذشتہ روز کاروبار کے اختتام پر انٹر بینک میں ڈالر 283 روپے 62 پیسے کا تھا۔پاکستان اسٹاک ایکسچینج میں آج بھی کاروبار کا مثبت رجحان دیکھنے میں آرہاہے۔پاکستان اسٹاک ایکسچینج کا سو انڈیکس 116 پوائنٹس کے اضافے سے 47 ہزار 569 پر آگیا ۔گذشتہ روز 100 انڈیکس 47 ہزار 452 پوائنٹس پر بند ہوا تھا۔