انتخابات، کاغذات نامزدگی کی وصولی کا عمل شروع ہو گیا ہے

الیکشن میں حصہ لینے کے لیے کاغذات نامزدگی وصول کرنے کا سلسلہ جاری ہے جب کہ کاغذات نامزدگی کی وصولی کا عمل بھی شروع ہو گیا ہے۔امیدوار صبح 8:30 بجے سے شام 4:30 بجے تک کاغذات حاصل کر سکتے ہیں۔امیدوار کاغذات نامزدگی آج 20 دسمبر سے 22 دسمبر تک جمع کراسکتے ہیں، امیدواروں کی ابتدائی فہرست 23 دسمبر کو جاری کی جائے گی۔کاغذات نامزدگی کی جانچ پڑتال 24 سے 30 دسمبر تک ہوگی، امیدواروں کو انتخابی نشان 13 جنوری کو الاٹ کیے جائیں گے۔عام انتخابات کے لیے پولنگ 8 فروری کو ہوگی۔کراچی میں عام انتخابات 2024 کے لیے قومی اور صوبائی اسمبلی کی نشستوں کے لیے کاغذات نامزدگی کی وصولی اور جمع کرانے کا عمل آج سے شروع ہوگیا ہے۔شہر قائد میں قومی اسمبلی کی 22 اور صوبائی اسمبلی کی 47 نشستوں کے لیے کاغذات نامزدگی جاری کیے جائیں گے۔کراچی میں قومی اور صوبائی اسمبلی کے لیے 69 ریٹرننگ افسران اور 7 ڈی آر اوز تعینات ہیں۔