امریکا کیساتھ مثبت اور تعمیری تعلق ہے ، ضروری نہیں ہر معاملے پر اتفاق ہو، نگران وزیراعظم

نگران وزیراعظم انوارالحق کاکڑ کا کہنا ہے کہ امریکا کیساتھ مثبت اور تعمیری تعلق ہے امریکا کیساتھ طویل مدتی شراکت داری چاہتے ہیں ۔نگران وزیراعظم انوارالحق نے کہا کہ ضروری نہیں امریکا کیساتھ ہر معاملے پر اتفاق ہو ،ملکوں کے درمیان امور پر اتفاق اور اختلاف رہتا ہے ۔انوارالحق کاکڑ نے کہا کہ امریکا کیساتھ ملکر پاکستان نے طویل جنگ لڑی ہے ہم نے ملکر عالمی امن کیلئے بہت اہم کردار ادا کیا ہے ، موسمیاتی تبدیلیوں کے منفی اثرات کا مقابلہ کرنے کیلئے امریکا سے قریبی تعاون ہے ۔ان کا کہنا تھا کہ امریکی معاشرہ ایک متنوع حیثیت کا حامل ہے ، گذشتہ 200 برسوں میں امریکا نے زبردست ترقی کی ، باقی ملکوں کیلئے امریکی ترقی سیکھنے کے موقع ہیں ۔