الیکشن کمیشن بیان کیس:میں فواد چوہدری کو آج عدالت میں پیش کرنے کا حکم

الیکشن کمیشن کے خلاف نفرت پھیلانے کے کیس میں اسلام آباد کی عدالت نے فواد چوہدری کو آج عدالت میں پیش کرنے کا حکم دیتے ہوئے سماعت میں میں وقفہ ک ردیا۔ڈسٹرکٹ اینڈ سیشن کورٹس اسلام آباد کے جوڈیشل مجسٹریٹ وقاص احمد راجہ نے ہدایت کی کہ تفتیشی افسر فواد چوہدری کا میڈیکل کروا کر رپورٹ پیش کر یں۔اس سے قبل آج صبح الیکشن کمیشن کے خلاف نفرت پھیلانے کے کیس میں فواد چوہدری کی اہلیہ حبا چوہدری اسلام آباد کی عدالت پہنچ گئیں۔ پی ٹی آئی رہنما خرم نواز،سینیٹر شہزاد وسیم،فواد چوہدری کے وکیل بابر اعوان اور فیصل چوہدری بھی عدالت پہنچ گئے۔وکیل بابر اعوان نے جوڈیشل مجسٹریٹ وقاص احمد راجہ سے استدعا کی کہ کیس کی سماعت تھوڑی جلدی کردیں۔جس پر حج نے حکم دیا کہ فواد چوہدری کے کیس کے لئے ساڑھے11کا وقت رکھ لیتے ہیں۔