العزیزیہ ریفرنس میں نواز شریف کی بریت کا مختصر تحریری فیصلہ جاری

اسلام آباد ہائیکورٹ نے لعزیزیہ اسٹیل ملز ریفرنس میں سابق وزیراعظم نواز شریف کی بریت کا مختصر تحریری فیصلہ جاری کردیا ۔ اسلام آباد ہائیکورٹ کا مختصر تحریری فیصلہ ایک صفحے پر مشتمل ہے جسے چیف جسٹس اسلام آباد ہائیکورٹ عامر فاروق اور جسٹس گل حسن اورنگ زیب نے جاری کیا ہے ۔عدالت کے تحریری فیصلے میں کہا گیا ہے کہ العزیزیہ ریفرنس میں نواز شریف کی سزا کیخلاف اپیل منظور کی جاتی ہے ، نواز شریف کی اپیل منظور کرنے کی وجوہات تفصیلی فیصلے جاری ہوں گی ۔مختصر عدالتی فیصلے میں احتساب عدالت کے نواز شریف کو سز اسے متعلق 24 دسمبر 2018 کا فیصلہ کالعدم قرار دیا گیا ہے ۔اسلام آباد ہائیکورٹ نے مختصر تحریری فیصلے میں کہا ہے کہ العزیزیہ ریفرنس میں نواز شریف کو تمام الزامات سے بری کیاجاتاہے۔