اسلام آباد ہائیکورٹ نے نواز شریف کو گرفتار کرنے سے روک دیا

اسلام آباد ہائیکورٹ نے العزیزیہ اور ایون فیلڈ ریفرنس میں سزا کے معاملے پر نواز شریف کو گرفتار کرنے سے روک دیا ۔عدالت عالیہ کی جانب سے کہا گیا ہے کہ نواز شریف کو پاکستان واپس آنے پر گرفتار نہ کیاجائے۔اسلام آباد ہائیکورٹ نے نواز شریف کی 24 اکتوبر تک حفاظتی ضمانت منظور کرلی ۔العزیزیہ اسٹیل ملز اور ایون فیلڈ ریفرنس میں نواز شریف کی قانونی ٹیم حفاظتی ضمانت کیلئے اسلام آباد ہائیکورٹ پہنچی تھی ۔نواز شریف کی حفاظتی ضمانت کی درخواست پر چیف جسٹس اسلام آباد ہائیکورٹ عامر فاروق اور جسٹس میاں گل حسن اور نگزیب نے سماعت کی