اسلام آبادسے بیرون ملک منشیات سمگلنگ کی کوشش ناکام

اسلام آباد:ایئرپورٹس سکیورٹی فورسز نے اسلام آباد ایئرپورٹ پر کارروائی کر کے بیرون ملک منشیات سمگلنگ کی کوشش ناکام بنا دی۔اے ایس ایف حکام نے اسلام آباد ایئر پورٹ پر کارروائی کرتے ہوئے اسلام آباد سے ریاض جانے والی پرواز پر ایک مسافر کے سامان سے 1.960 کلو گرام آئس ہیروئن برآمد کر لی۔
عملے نے اسلام آباد سے ریاض جانے والے مسافر کاشف الرحمان کے سامان میں موجود ہارمونیم (آلہ موسیقی) کو مشتبہ قرار دیا، تلاشی پر 1.960 کلو گرام آئس ہیروئن برآمد کر کے بیرون ملک منشیات سمگلنگ کی کوشش ناکام بنا دی گئی۔ملزم کو ابتدائی تفتیش کے بعد مزید قانونی کارروائی کیلئے برآمد شدہ منشیات کیساتھ اے این ایف حکام کے حوالے کر دیا گیا۔