اسلام آباد،خاتون مسافر کا لاکھوں مالیت سے بھرا ، کھویا ہوا بیگ واپس مل گیا

خاتون مسافر کو اسلام آباد ائیر پورٹ پر کھویا اپنا بیگ دوبارہ مل گیا ، ترجمان سی اے اے کے مطابق خاتون نے ائیر پورٹ پارکنگ نمبر 12 میں ہینڈ بیگ بھول جانے کی شکایت درج کرائی ،ترجمان نے کہا کہ گمشدہ سامان میں 6 تولے سونے کے سیٹ کے زیورات اور 1100 یو کے پاﺅنڈز شامل تھے ۔مذکورہ مسافر مانچسٹر سے ائیر ویز کی پرواز سے اسلام آباد پہنچی تھی انہوں نے کہا کہ شکایت سیل نے سی سی ٹی وی فوٹیج کے ذریعے پرکنگ سے بیگ اُٹھانے والے مسافر کا پتہ چلایا۔بیگ اُٹھانے والا مانسہرہ کا رہائشی مسافر الصبح عمرہ فلائٹ سے جدہ سے اسلام آباد پہنچا تھا ۔ سی اے اے ویجلنس اسٹاف کے رابطہ کرنے پر مسافر نے پندرہ لاکھ روپے مالیت کی اشیا ءائیر پورٹ پہنچا دیں ۔ائیر پورٹ پر خاتون مسافر کو ان کے شوہر کی موجودگی میں سامان واپس کردیا گیا ۔