آمنہ ٹوانہ کا پروفیشنل گولفر بننے کا عزم

نوجوان گولفر آمنہ ٹوانہ کا کہنا ہے کہ میرا ہدف پروفیشنل گولفر بننا ہے جس کیلئے محنت کررہی ہوں یہ ایک مشکل ہدف ہے لیکن ایک دن ضرور پروفیشنل گولفر بنوں گی ۔انہوں نے کہا کہ پاکستان میں کوچنگ انسٹی ٹیوٹ کی ضرورت ہے تاکہ کم عمر میں کوچنگ شرو ع ہوآمنہ ٹوانہ کا کہنا ہے کہ آنکھ کھولتے ہی ماں باپ کو گولف کھیلتے ہوئے دیکھا ہے ۔میری والدہ مجھے اپنے ساتھ گولف کورس لیکر جاتی تھیں اور پھر میں بھی گولف کی شوقین ہوگئی انہوں نے کہا کہ میں نیشنل امیچر گولف چیمپئن شپ میں گذشتہ برس بھی حصہ لے چکی ہوں ملکی سطح کے کئی ایونٹس کے علاوہ امریکا اور ملائیشیا میں بھی کھیل چکی ہو ں کیونکہ مجھے پروفیشنل گولفر بننے کیلئے بہت محنت کرنی ہے ۔