آسٹریلین اوپن کے فائنل میں شکست،ثانیہ مرزا ٹینس کو الوداع کہتے ہوئے روپڑیں

ٹینس سٹار ثانیہ مرزا اور روہن بوپنا کی جوڑی کو آسٹریلین اوپن ٹینس چیمپئن شپ کے فائنل میں شکست ہوگئی۔بھارتی جوڑی کو فائنل میں برازیلین جوڑی سے6-7اور2-6سے شکست ہوئی۔میچ کے اختتام پر گفتگو کے دوران ثانیہ مرزا کی آنکھوں میں آنسو آگئے۔ثانیہ مرزا نے کہا کہ میرا پروفیشنل کیریئر میلبرن سے شروع ہوا اور اپنا کیریئر ختم کرنے کے لئے اس سے اچھے ارینا کا سوچ بھی نہیں سکتی۔اپنے کیریئر سے متعلق گفتگو کرتے ہوئے ثانیہ مرزا کی آواز بھی بھر آئی اور انہوں نے اپنے آنسو بھی صاف کیے۔اس دوران شائقین نے تالیاں بجا کر ان کا حوصلہ بڑھایا۔واضح رہے کہ ثانیہ مرزا نے رواں سال ریٹائرمنٹ کا اعلان کیا تھا،وہ آئندہ ماہ دبئی کے ا یونٹ کے بعد ریٹائر ہوجائیں گی۔