آسٹریلیا میں کتے کو عمارت سے پھینکنے والی خاتون کو سزا سنادی گئی

آسٹریلیا میں ایک شاپنگ سینٹر کی دوسری منزل سے اپنے کتے کو پھینکنے والی خاتون کو جیل بھیج دیا گیا ہے۔ عدالت نے خاتون کو ایک سال کے لیے جیل بھیجنے کا حکم دیا ہے۔رپورٹس کے مطابق عدالت نے قرار دیا کہ 26 سالہ خاتون کا یہ فعل دانستہ اور منصوبہ بند تھا۔غیر ملکی میڈیا کے مطابق خاتون نے اپنے فعل کا اعتراف کرلیا تھا اور واقعے کی سی سی ٹی وی ویڈیو بھی سامنے آگئی جب کہ واقعے میں کتا شدید زخمی ہوگیا۔غیر ملکی میڈیا کے مطابق یہ واقعہ گزشتہ سال اپریل میں آسٹریلیا کے شہر پرتھ میں پیش آیا تھا۔