آرمی چیف سے آسٹریلوی فوج کے سربراہ لیفٹیننٹ جنرل سائمن سٹورٹ کی ملاقات، مختلف امور پر تبادلہ خیال

راولپنڈی: آسٹریلوی فوج کے سربراہ لیفٹیننٹ جنرل سائمن اسٹورٹ نے جنرل ہیڈ کوارٹر راولپنڈی کا دورہ کیا اور آرمی چیف جنرل عاصم منیر سے ملاقات کی ،جی ایچ کیو آمد پر آسٹریلوی آرمی چیف نے یادگار شہداپر پھول رکھے اور شہدا کو خراج عقیدت پیش کیا جبکہ آسٹریلوی آرمی چیف کو پاک فوج کے چاق وچوبند دستے نے سلامی بھی دی، ملاقات کیدوران باہمی دلچسپی بالخصوص عالمی اورعلاقائی سلامتی کیامور پر تبادلہ خیال کیا گیا۔
پاک فوج کے ترجمان کے مطابق آرمی چیف نے امن واستحکام کے مشترکہ اہداف کیلئے مضبوط دوطرفہ تعلقات کی اہمیت پر زور دیتے ہوئے علاقائی وعالمی امن ، دفاع اور سلامتی میں تعاون کو مزید مضبوط بنانے کے عزم کا اعادہ کیا۔آسٹریلوی لیفٹیننٹ جنرل سائمن اسٹورٹ نے دہشتگردی کے خلاف پاکستان کی کوششوں کو سراہا، جنرل سائمن اسٹورٹ نے دوطرفہ دفاعی اور سکیورٹی تعاون کے مزید فروغ کے عزم کا اظہار بھی کیا۔