آئینی ترامیم کا معاملہ ، حکومت نے مولانا فضل لرحمان کی تجاویز مان لیں

آئینی ترامیم کے معاملے پر حکومت نے جے یو آئی کے سربراہ مولانا فضل الرحمان کی تجاویز مان لیں۔پارلیمانی ذرائع کے مطابق شنگھائی تعاون تنظیم کے سربراہ اجلاس کے بعد پارلیمنٹ کے دونوں ایوانوں کا اجلاس بلانے کا فیصلہ کیا گیا ہے، مولانا فضل الرحمان دو سے تین روز میں آئینی ترامیم سے متعلق اپنا مسودہ حکومتی ٹیم کے حوالے کر دیں گے۔قانونی ٹیم اپنا مسودہ جے یو آئی ف سے شیئر کرے گی، مولانا فضل الرحمان نے آئینی عدالت کے قیام کے لیے مشروط رضامندی ظاہر کر دی ہے۔ذرائع کا مزید کہنا ہے کہ ججز کی تقرری کے طریقہ کار سمیت دیگر معاملات پر ترامیم بعد میں لائی جائیں گی، پہلے مرحلے میں آئینی عدالت کے قیام اور اس کے ججوں کی تقرری اور اختیارات کے حوالے سے ترامیم لائی جائیں گی۔