آئندہ ہفتے بارشوں کاطاقتور ، طویل سسٹم ملک پر اثر انداز ہونے کا امکان

موسمیاتی تجزیہ کار جواد میمن کا کہنا ہے کہ آئندہ ہفتے 27 یا 28 اپریل کوبارشوں کا طاقتور اور طویل سسٹم ملک میں اثر انداز ہوسکتا ہے ، جو 6 یا 7 مئی تک ملک پر اثر انداز رہے گا، جبکہ مئی کے پہلے ہفتے میں کراچی میں بارش کاامکان ہے ۔انہوں نے بتایا ہے کہ آئندہ کچھ دن ملک کے بیشتر مقامات پر مطلع صاف ، موسم خشک اور گرم رہے گا جبکہ پنجاب اور سندھ کے میدانی علاقے گرمی کی لپیٹ میں رہیں گے ۔موسمیات تجزیہ کار کا مطابق شہر قائد کراچی میں درجہ حرارت 40 سے 44 ڈگری سینٹی گریڈ تک پہنچ سکتاہے ساحلی علاقوں میں مقامی سطح پر بادل بن سکتے ہیں ۔انہوں نے بتایا کہ ایران کے قریب بحیرہ عرب میں سرکولیشن بھی بنی ہوئی ہے ۔موسمیاتی تجزیہ کار جواد میمن کا کہنا ہے کہ سندھ کے بیشتر مقامات گرم اور خشک موسم کی لپیٹ میں ہیں۔