کالعدم ٹی ٹی پی کو مذاکرات کی میز پر لانے کی کوشش کی جارہی ہے،وزیر داخلہ

اسلام آباد:وفاقی وزیر داخلہ نے کہا ہے کہ ٹی ٹی پی کو مذاکرات کی میز پر لانے کی کوشش کی جارہی ہے۔جس کی پہلی شرط یہ ہے کہ وہ ہتھیار ڈالیں اور خود کو قانون کے تابع کریں۔رانا ثناء اللہ نے اسلام آباد میں پریس کانفرنس کرتے ہوئے کہا کہ ریاست کی انسداد دہشتگردی کیخلاف کوششیں جاری ہیں۔انہیں پبلک نہیں کیا جاسکتا لیکن اس سے یہ نہ سمجھا جائے کہ کچھ ہو نہیں رہا بلکہ بہت کچھ ہورہا ہے۔وزیر داخلہ نے کہا کہ قومی سلامتی کمیٹی میں دہشتگردی کے خلاف زیرٹالرنس کے عزم کا اعادہ کیا گیا۔دہشتگردی کے واقعات سے بچنے کے لئے پیشگی اقدامات کیے جائیں گے۔وزیر داخلہ نے کہا کہ جس طرح افغانستان میں طالبان حکومت ایک حقیقت ہے اسی طرح ٹی ٹی پی کومذاکرات کی میز پر لانے کی کوشش کی جارہی ہے لیکن اس کی پہلی شرط یہ ہے کہ وہ ہتھیار ڈال دیں اور خود کو آئین وقانون کے تابع کردیں۔