پی ٹی آئی کے بانی توشہ خانہ کیس کا فیصلہ معطل کرنے کی اپیل دائر کر دی گئی

پی ٹی آئی کے بانی نے توشہ خانہ کیس کا فیصلہ معطل کرنے کے لیے سپریم کورٹ میں اپیل دائر کردی۔سپریم کورٹ سے اسلام آباد ہائی کورٹ کا فیصلہ کالعدم قرار دینے کی استدعا کی گئی ہے اور موقف اختیار کیا گیا ہے کہ توشہ خانہ کیس میں سزا پہلے ہی معطل کی جا چکی ہے۔درخواست میں موقف اپنایا گیا ہے کہ ہائیکورٹ نے صرف سزا معطل کی، پورا فیصلہ نہیں۔درخواست میں کہا گیا کہ چونکہ انتخابات قریب ہیں اور پی ٹی آئی کے بانی ملک کے سابق وزیراعظم ہیں، اس لیے ملک کی سب سے بڑی جماعت کے سربراہ کو انتخابات سے باہر نہیں رکھا جا سکتا۔درخواست میں کہا گیا کہ سپریم کورٹ توشہ خانہ کیس میں سزا پر مبنی فیصلے کو معطل کرے تاکہ الیکشن لڑا جا سکے۔