پاکستان میں مئی میں معمول سے زیادہ بارشوں کا امکان

پاکستان میں اس سال مئی میں بھی معمول سے زیادہ بارشوں کا امکان ظاہر کیا جارہاہے ۔موسمیات تجزیہ کار کے مطابق بین الاقوامی فورکاسٹنک ماڈلز مضبوط مغربی ہواﺅں کے سلسلے کی نشاندہی کررہاہے، 28 اپریل سے پانچ مئی کے دوران یہ سسٹم ملک پر اثرانداز ہوسکتا ہے ۔انہوں نے بتایا کہ یہ 2023 کا اب تک کا سب سے مضبوط بارشوں کا سسٹم ہوسکتا ہے ماڈلز کراچی سے کشمیر تک مسلسل بارشوں کی پیشگوئی کررہے ہیں ۔موسمیاتی تجزیہ کار نے کہا ہے کہ اس سسٹم کے تحت ملک کے مختلف مقامات پر تیز بارشیں ، ژالہ باری اور آندھی کا امکان ہے ۔