پاکستان ایک اور مارشل لا کا متحمل نہیں ہوسکتا: بلاول بھٹو

لندن:چیئرمین پیپلزپارٹی بلاول بھٹو زرداری نے آکسفورڈ یونیورسٹی میں لیکچر دیتے ہوئیکہا کہ پاکستان اب ایک اور مارشل لا کا متحمل نہیں ہوسکتا۔پاکستان کا مستقبل آئین کی بالادستی، آزاد عدلیہ اور صحافت سے وابستہ ہے، والدہ نے بدلہ لینا نہیں سکھایا، اسی لئے کہتا ہوں کہ جمہوریت بہترین انتقام ہے۔
جمہوریت کے فوائد لوگوں تک پہنچانے کیلئے ان کی کاوشیں قابل قدر ہیں، بینظیر کو کئی بار نشانہ بنانے کی کوشش کی گئی مگر وہ بلا خوف سیاست میں حصہ لیتی رہیں، ملک کی پہلی خاتون وزیراعظم بنیں، انہوں نے پاکستان میں خواتین کیلئے آگے آنے کا راستہ کھولا۔آج پنجاب کی وزیراعلی بھی ایک خاتون ہیں، بینظیر بھٹو کی زندگی پاکستان کا کل بہتر بنانے کیلئے تھی۔