وزیراعظم کی ذخیرہ اندوزوں اور منافع خوروں کیخلاف بے رحمانہ کارروائی کی ہدایت تازہ ترین Roze News
تازہ ترین

وزیراعظم کی ذخیرہ اندوزوں اور منافع خوروں کیخلاف بے رحمانہ کارروائی کی ہدایت

وزیراعظم کی ذخیرہ اندوزوں اور منافع خوروں کیخلاف بے رحمانہ کارروائی کی ہدایت

وزیراعظم کی ذخیرہ اندوزوں اور منافع خوروں کیخلاف بے رحمانہ کارروائی کی ہدایت

اسلام آباد: وزیراعظم شہبازشریف نے ذخیرہ اندوزوں اور منافع خوروں کے خلاف بے رحمانہ قانونی کارروائی کی ہدایت دے دی۔ ہمارے نمائندے کے مطابق وزیراعظم نے اعلی سطح اجلاس میں وفاق اور صوبوں میں ضلعی انتظامیہ اور قانون نافذ کرنے والے اداروں کو فری ہینڈ دے دیا اور کہا کہ منافع خوری، ذخیرہ اندوزی اور زائد نرخ لینے والوں کے خلاف سخت ترین کارروائی کی جائے۔شہباز شریف نے کہا کہ رمضان المبارک سے قبل گوداموں، دکانوں اور منڈیوں میں آپریشن کلین اپ کریں، سیلاب، معاشی مشکلات میں پھنسی عوام سے رمضان میں جوزائد قیمت لے، اس سے آہنی ہاتھوں سے نمٹیں۔علاوہ ازیں وزیراعظم نے وفاقی حکومت کووزرااعلی کے ساتھ مل کر رمضان میں اشیا ء کی فراوانی اور قیمتوں پرکنٹرول کا ٹاسک دیا اور ہدایت دی کہ عبادتوں کے مہینے میں جو روزے داروں کو تنگ کرے، اسے قانون کی طاقت سے سبق سکھائیں۔وزیراعظم شہباز شریف نے کہا کہ اشیا کی طلب، رسد اور قیمتوں میں گڑ بڑ ہوئی تو متعلقہ علاقوں کے افسران کے خلاف کارروائی ہوگی۔وزیراعظم شہباز شریف کو بریفنگ دی گئی کہ ملک میں گندم سمیت اشیائے خور و نوش کی کہیں بھی کوئی قلت نہیں ہے۔ جس پر وزیراعظم اجلاس میں حکام پر برس پڑے اور کہا کہ خوراک کی کمی نہیں تو پھر مرغی کی قیمت میں اضافہ کیوں؟بعدازاں شہباز شریف نے ہدایت دی کہ ملک بھر میں یوٹیلیٹی اسٹورز پرمعیاری اشیا کی فراہمی یقینی ہونی چاہیے۔ انہوں نے کہا کہ رمضان بازار میں قیمتوں کو کنٹرول کرنے کے لئے جدید ٹیکنالوجی استعمال کی جائے۔

Exit mobile version