نگراں وزیر خارجہ کی روسی ہم منصب سے ملاقات

امریکی شہر نیویارک میں نگراں وزیر خارجہ جلیل عباس جیلانی کی روسی ہم منصب سرگئی لائروف سے ملاقات ہوئی ہے ۔اس ملاقات کے حوالے سے نگراں وزیر خارجہ جلیل عباس جیلانی نے سماجی رابطے کی سائٹ پر تصویر شیئر کرتے ہوئے بتایا ہے ۔ان کا کہنا ہے کہ ملاقات میں دوطرفہ تعلقات اور باہمی دلچسپی کے امور پر بات چیت ہوئی ۔وزیر خارجہ جلیل عباس جیلانی نے یورپی یونین کے اعلیٰ نمائندے برائے خارجہ امور اور سکیورٹی پالیسی سے بھی ملاقات کی ہے ۔اس ملا قات میں پاکستان اور یورپی یونین کے درمیان دوطرفہ تعلقات پر تبادلہ خیال کیاگیا ۔