ملک بھر میں آج سے گرمی میں اضافے کا امکان

محکمہ موسمیات نے خبردار کیا ہے کہ آج سے پارہ اوپر جانا شروع ہوگا، 24 جون کے دوران درجہ حرارت میں اضافے کا امکان ہے ۔اسلام آباد ،بالائی اور وسطی پنجاب ، بالائی خیبر پختونخوا ،گلگت بلتستان اور کشمیر میں درجہ حرارت چار سے چھ ڈگری سینٹی گریڈ بڑھ سکتا ہے ۔سندھ ، جنوبی پنجاب اور بلوچستان میں درجہ حرارت دو سے چار ڈگری سینٹی گریڈ معمول سے زیادہ رہنے کا امکان ہے ۔شہریوں کو گرمی سے بچاﺅ کی احتیاطی تدابیر اختیار کرنے کی ہدایت کی گئی ہے ۔