قومی ٹیم کے وکٹ کیپر بلے باز محمد رضوان نے ٹی 20 ورلڈ کپ کے لیے نئی شرٹ کے ہمراہ اپنی تصویر سوشل میڈیا پر ڈال دی۔
سماجی رابطے کی ویب سائٹ ٹوئٹر پر رضوان نے ’محمد ‘ نام کے ساتھ تیار کی گئی شرٹ کے ساتھ تصویر ڈالی اور لکھا کہ ’ بس اتنی سی خواہش ہے کہ تیرے نام سے جانا جاؤں‘، رضوان کی ٹوئٹ میں اشارہ حضرت محمدﷺ کی طرف تھا جن کا نام نامی بھی درج کیا گیا۔
محمد رضوان آسٹریلیا میں کھیلے جانے والے ٹی 20 ورلڈ کپ کے مقابلوں میں اپنے دوسرے اور اصل نام ’رضوان‘ کے بجائے اس کے پہلے حصے ’محمد‘ کی شرٹ پہن کر کھیلیں گے، تاہم رضوان کی نئی شرٹ کا نمبر 16 ہی رہے گا۔